გენური თერაპიის გამოყენება, სამედიცინო თვალსაზრისით, მნიშვნელოვანია უამრავი სიმსივნური თუ სხვა სიცოცხლისთვის საშიში დაავადებების სამკურნალოდ.

პრეპარატ „კიმრიას“ გამოყენება მწვავე ლიმფობლასტური ლეიკემიით (ALL) დაავადებული პედიატრიული და მოზარდი პაციენტებისთვის დაუშვეს. თერაპია უზრუნველყოფს საიმედო რემისიასა და სიცოცხლის შენარჩუნების მაღალ მაჩვენებელს.

„ჩვენ შევდივართ სამედიცინო ინოვაციების ახალ ერაში, როდესაც შეგვიძლია თავად პაციენტის უჯრედთა რეპროგრამირება ისე, რომ ვებრძოლოთ სასიკვდილო დაავადებებს“ - განაცხადა FDA-ს კომისიის წევრმა, ექიმმა სკოტ გოტლიებმა.

„კიმრია“ არის T-უჯრედული იმუნოთერაპიის გენეტიკურად მოდიფიცირებული ანალოგი. პრეპარატის თითოეული დოზა შედგება პაციენტისავე სისხლის თეთრი უჯრედების - ლიმფოციტებისაგან. თერაპიის დაწყებამდე აღნიშნულ ლიმფოციტები გროვდება პაციენტისგან აღებული მასალიდან და იგზავნება დასამუშავებლად ლაბორატორიაში, სადაც ხდება ლიმფოციტთა გენეტიკური მოდიფიკაცია, მათში ახალი გენეტიკური ინფორმაციის ჩართვით.

ახალი გენეტიკური კოდი განსაზღვრულ თვისებას ანიჭებს T-უჯრედს, რის შედეგადაც T-ლიმფოციტის შეუძლია სიმსივნური უჯრედების ამოცნობა და განადგურება.